ഭൂപരിഷ്കരണവും പുതിയ ഭൂസ്വാമിമാരും.

കമ്യൂണിസ്റ്റുകാർ കൊണ്ടുവന്ന ഭൂപരിഷ്കരണത്തെ അക്കാലത്തെ ഏറ്റവും വലിയ വിപ്ലവമായി ചരിത്രം രേഖപ്പെടുത്തി.ജന്മിമാരിൽ നിന്നും കുടിയാന്മാരിലേക്ക് കൃഷിഭൂമിയെത്തുകയും അവർ അത് കുറച്ചുകാലം കൃഷിചെയ്യുകയും ചെയ്തു.ആ സംഭവത്തോടെ കേരളത്തിൽ കമ്യൂണിസ്റ്റുപ്രസ്ഥാനം അടിസ്ഥാനവർഗ്ഗത്തിനിടയിൽ ശക്തമായ വേരോട്ടമുണ്ടാക്കി. ചൂഷിതവർഗ്ഗം അന്ധമായി തന്നെ അന്നത്തെ കമ്യൂണിസ്റ്റുപ്രസ്ഥാനത്തെ പിന്താങ്ങി. ഭൂപരിഷ്കരണത്തിലൂടെ സ്വത്തുക്കൾ നഷ്ടപ്പെട്ട ജന്മിമാരും മറ്റു ഉയർന്ന ജാതിക്കാരും ജീവിതത്തിൽ ദുരിതക്കയത്തിലേക്ക് എടുത്തെറിയപ്പെടുകയും ചെയ്തു.ഭൂപരിഷ്കരണത്തിന്റെ ആനുകൂല്യം ലഭിച്ചപലരുമാകട്ടെ തങ്ങൾക്ക് ലഭിച്ച ഭൂമി കഷ്ണങ്ങളായി വിറ്റുതുലക്കുകയും ചെയ്തു എന്നത് പിൽക്കാല ചരിത്രം. ഭൂപരിഷ്കരണത്തിൽ തന്നെ തകർന്നുപോയവരെ നിരന്തരം പീഠിപ്പിച്ചുകൊണ്ടിരിക്കാണ്‌. സവർണ്ണർ എന്നൊക്കെ പറഞ്ഞ് അവറ്റകളെ ജീവിക്കുവാൻ അനുവദിക്കുന്നില്ല.

ഇന്നിപ്പോൾ ഭൂമിയും സ്വത്തുക്കളും രാഷ്ടീയ മേലാളന്മാരുടേയും,കുത്തക മുതലാളിമാരുടേയും,ഒപ്പം കള്ളപ്പണവും,കള്ളക്കടത്തും വഴിയും അല്ലാതെയും ഇടക്കാലത്ത് ധനാഢ്യരായ ചിലരുടേയും കൈകളിൽ എത്തിപ്പെട്ടു.അവരായി പുതിയ കാലഘട്ടത്തിന്റെ ജന്മിമാർ.എന്നാൽ കൗശലപൂർവം അവർ ഇക്കാര്യം മറച്ചുവക്കുന്നതിൽ വിജയിക്കുന്നുമുണ്ട്.ഒരുകാലത്ത് ധാരാളം ഭൂസ്വത്തുക്കൾ ഉണ്ടായിരുന്നവർ ഇന്നിപ്പോൾ ജീവിക്കുവാൻ പെടാപാടുപെടുന്നു.അവരുടെ പിൻ തലമുറക്കാരിൽ പലരും ജന്മം കൊണ്ട് സവർണ്ണൻ ആയി എന്ന ഒറ്റക്കാരണത്താൽ സകലയിടത്തുനിന്നും ഒഴിവാക്കി നിർത്തപ്പെടുന്നു. സമ്പത്തീക സംവരണം എന്നത് നടപ്പിലാക്കാത്തിടത്തോളവും സ്വന്തം അവകാശങ്ങൾ സംരക്ഷിക്കുവാൻ സംഘടിച്ചുകൊണ്ട് അവകാശങ്ങൾക്കായി പൊരുതുവാൻ തയ്യാറാകാത്തിടത്തോളം
ഇക്കൂട്ടർ ഗതിപിടിക്കില്ല.

----------------------------
ലോകഭൂപടത്തിൽ തന്നെ മഷിയിട്ടുനോക്കിയാൽ അനുദിനം അന്യമായിക്കൊണ്ടിരിക്കുന്ന ഒന്നാണ്‌ മാർക്കിസം എന്ന് കാണുവൻ കഴിയും.കേരളത്തിലും അടുത്ത തിരഞ്ഞെടുപ്പോടെ ഇക്കൂട്ടരുടെ ഭരണം അടുത്ത അഞ്ചുവർഷത്തേക്കെങ്കിലും ഒഴിവായിക്കിട്ടും എന്ന പ്രതീക്ഷ ആശ്വാസത്തിനു വകനല്കുന്നുണ്ട് എന്നാലും ഭരണ നഷ്ടം ഉണ്ടായാൽ അതിന്റെ പിറ്റേന്നു പുലർച്ചമുതൽ സമരങ്ങൾ തുടങ്ങുമോ എന്നത് ആലോചിക്കുമ്പോൾ തലവേദന വേറെ.ഭരണത്തിൽ ഇരിക്കുമ്പോൾ ആ പ്രശ്നം ഇല്ല വല്ലപ്പോഴും കേന്ദ്രത്തിനെതിരെയും അമേരിക്ക സാമ്രാജ്യത്വം എന്നിവയ്ക്കെതിരെ ഒക്കെ ആകും.എന്തൊരു കഷ്ടമാണെന്ന് നോക്കണം ഭരണം നഷ്ടമായാൽ സമരം മൂലം മനുഷ്യനു സ്വസ്ഥമായി വഴിനടക്കുവാൻ പറ്റില്ലെന്ന് വന്നാൽ എന്താചെയ്യാ.